標題:
想買遠鏡...唔知邊支好???
發問:
此文章來自奇摩知識+如有不便請留言告知
小妹而家用緊canon 450d, 用嘅係kit set ( with EF-S 18-55mm f/3.5-5.6 IS 鏡頭 ). 想買遠鏡, 心水係: 1--Canon EF-S 18-200mm f/3.5-5.6 IS 2--Sigma 18-200mm F3.5-6.3 OS /HSM 3--Tamron AF18-250mm F/3.5-6.3 Di II LD Aspherical [IF] (A18) 想請教吓大家意見, 唔知邊支好,唔該晒各位!
最佳解答:
以呢幾支來計,Canon 18-200mm在規格上較優勝,在望遠端有較大的f5.6光圈.有4級防震,不過佢價錢也最貴. Sigma嗰支其實光學質素同Canon嗰支差不多,平千幾蚊,不過光圈就細小小,亦只有3級防震.如果真係買我覺得都係俾多千幾蚊買Canon吧.方便就要方便到底. Tamron 18-250mm一定唔考慮,因為冇防震,買高倍變焦鏡就係要方便,冇防震光圈又細變咗下下要出腳架就失去咗方便的意義. 另外你都可以考慮Tamron 18-270mm f3.5-6.3 VC,價錢同Canon差不多,但焦距就去到270mm,更加方便. 有一點要留意既係高倍變焦鏡既光學質素係會稍差的,如果你買咗之後發覺佢影既相比kit lens差,一點都不用意外,這是正常的,特別係邊角位,通常都比較散.這是方便的代價. 如果你只係單單焦距唔夠長,亦不介意換鏡的話,其實可以考慮平好多既Canon EF-S 55-250mm f4-5.6 IS.光學質素會好過一支過. 不過光學質素只係買鏡頭其中一個考慮,我亦見過有人因為嫌換鏡麻煩,而後悔冇買高倍變焦鏡的. 以下網頁有鏡頭既測試 http://www.photozone.de/all-tests
其他解答:
留言列表
