點養紅劍魚bb－vbd391t的部落格

標題:

點養紅劍魚bb

發問:

昨日~前日我d紅劍魚生左bb, d魚係咁追住d bb... 應該點做??? 更新: 本來有bb x 3, 但係宜家唔見左2條... 找唔到佢地的屍体... 佢地係唔係死左??? 更新 2: 點去金魚街??

最佳解答:

市面上, 有一樣野叫做生仔兜, 用黎首先隔離大肚既魚, 當魚媽媽生左蛋後, 生仔兜就可以再隔離埋d魚卵咁樣樣就可以保護條魚媽媽順利生b, 又保護d魚仔魚女平安長大~ 所以見有魚大肚時, 最好買定個生仔兜~ 生左bb後, 你最好買個新缸, 當然要買埋氣泵or濾水器tim啦, 新缸就係用黎隔離d魚bb入去, 新缸用黎養大d魚bb 魚bb大到有大魚既一半或以上既時候, 你就可以將佢地放返入去原缸度養嫁啦~ 新缸用濾水器, 換水就照原先每一至兩星期換一次, 每次換1/3至1/4~ 濾水器同濾材定期清洗~ 而新缸用氣泵既話, 換水最好頻密少少, 一星期換一次, 每次換1/2至1/3左右, 記住要養水喎~ 餵既野食, 你可以出去買一d叫微生物元素, 多數係用黎餵比d魚bb食既~ 當然, 如果你有魚糧的話, 你可以自己用野壓碎魚糧成粉末, 再放落魚缸度比佢地食~ 你依家仲未有以上所講既設備住, 建議你先拎走d魚仔或大魚, 用大盆裝住佢地先, 隔離佢地就可以防止魚bb係你買好設備返黎前被殺啦~ 大盆既水最好用返原缸既水, 但又唔駛拎太多既~

其他解答:

咁失策呀．．．大魚食細魚，係天性使然。當務之急，係先撈走大魚（假設魚唔多），因為一見到就可以即撈走，然後慢慢再搵出魚ｂ撈出，分缸飼養。養劍、摩利、ｍｏｏｎ、孔雀呢ｄ卵胎生魚，都係要用一個生仔缸，缸分上下格，中間用有隙膠格分開，母魚放入上格，魚ｂ生出後就會跌落下格，生完就要將大魚撈出。由於要保持水o既流通同生仔缸ｄ水有氧，所生仔缸都有隙，大魚見到魚ｂ會o係隙度吮！所以如果環境許可，都最好分開一個缸仔養魚ｂ。裏面只要放一個水妖（買個氣喉三叉同一個氣喉夾，將大缸ｄ氣同佢 share），足夠有餘。魚ｂ可以餵粉狀糧或將片糧捏碎o黎餵。換水最好多次少量，減少對水質影響，緊記除氯。小心養半年，魚ｂ就差不多可以入大缸。下次見到紅劍母魚個肚開始見黑斑（其實係魚仔眼睛），就要準備啦。祝你好運。 2008-07-17 12:05:07 補充：唔見左？你用乜野養住ｄｂ先？有冇用生仔缸裝起？有的話如我上面所講，大魚會吮；冇用的話，有冇好多草俾魚躲藏？有都驚俾大魚搵到食，冇就．．．魚街？太子地鐵站跟指示出啦～