標題:
電單車CC問題
發問:
我係一個新手，諗住買部電單車作代步之用。但有幾個問題唔多明白，希望有心之人可以幫到我。 1.聽人講電單車CC越大，就越危險，究境係點解？ 2.CC越大，部電單車係唔係越重？ 3.CC越大，部車引擎發出黎GE聲音係唔係越大？(因為有時見到D電單車行過，D聲音嘈到我住係30幾樓都聽到) 如有其他資料係新手需要知道GE，希望你地都可以講埋比我聽 THX...
最佳解答:
1. 知一半而唔知一半既誤解，cc只係引擎容積，引擎容積越大相對亦比較易做出較大扭力或馬力，新牌學車時用125cc，拎到牌突然騎上600cc或以上既車，當然會被加速力嚇一嚇，要d時間去習慣啦，另外大cc車亦代表車重普遍比較重，咁對新牌黎講亦都係會唔習慣。但係行長途既話，250cc以下基本上我覺得仲危過大cc，車太輕上高速公路會特別飄(雖然大車都會飄)，而且仲要下下谷盡去求極速，有咩事上黎又無馬力係手想走都走唔甩，另外由於太細部人地見到你既機會亦相對減少(尤其新牌好多時犯錯走入人地盲區)，46司機大部份唔會刻意去撞你，最常發生既意外係佢唔知你存在，無望盲區，如果你大部少少...你部車有一部份離開佢盲區以外既機會就大少少...咁你覺得係咪部車越細越安全呢？ 應該係你控制部車既能力同你部車幾大之間去做個平衡...呢樣野人人都唔同 2.大部份情況下係，但新車同舊車以及唔同類別既車比亦可能有例外...例如依家既600cc跑車已經做到同舊既400cc差不多重，如果跑車同巡航比又唔同比法...要去到咁指細就無得講了 3.唔一定，你個情況係d人用直出喉，其實係犯法的，因為法例規定所有車必須裝有消音器去將死氣喉既聲音減至合理水平，任何人拎走或改裝消音器使到部車發出更大聲音都係犯法的。改一改死氣喉咩車都可以好嘈...
其他解答:
此文章來自奇摩知識+如有不便請留言告知
1. 電單車之馬力，是可保障你個人之安全，所以你必須要選較大馬力之車種。例如你是新牌，估計自己只能駕駛100-250 cc之電單車，如經濟許可，你是應選250 cc的。而且較大馬力，有時突然背多個乘客都可以。 2. "CC越大，部電單車係唔係越重？" 這同時要考慮你選那類型電單車，通常一部200 cc之棉羊就會輕過一部125 cc 街車，因為棉羊是使用很多塑膠部件。 3. 香港之汽車條例，是會限制汽車之聲浪；一般合法之汽車，聲浪是不能過高(記憶中好像是90分貝)。但因為電單車不用每年驗車，所以車主都大改特改(裝擴音器)；或穿左死氣喉都不理(穿死氣喉亦是會增加聲浪)。|||||1.聽人講電單車CC越大，就越危險，究境係點解？ 因為馬力大，加速會快過馬力細嘅。如果控制得唔好，一比油就會衝著去。所以比較危險。 2.CC越大，部電單車係唔係越重？ 係 3.CC越大，部車引擎發出黎GE聲音係唔係越大？(因為有時見到D電單車行過，D聲音嘈到我住係30幾樓都聽到) 係會大聲少少。不過唔會30幾樓都聽到。果D係因為改咗死氣喉先會咁嘈。
留言列表
